Gjatë ditës së djeshme Policia e Kosovës ka raportuar se janë gjetur dy granata dore në Lladroviq të Malishevës. Ekipa në terren mëson se këto dy granata dore janë gjetur nga dy djem të ri të cilët ishin duke ruajtur lopët e tyre. E njëri prej djemve tregon se si ka ndodhur e gjithë ngjarja.
Ishte duke i ruajtur lopët në livadh në fshatin Lladroviq të Malishevës së bashku me djalin e axhës, ku hasi në dy granata dore.
I mituri i cili deshi të mbes anonim, me ti parë mjetet e dyshimta në tokë largoi bagëtitë dhe lajmëroi prindërit.
Djali thotë se do të ishte rrezik nëse nuk do i vërenin menjëherë.
Ndërsa Policia ka bërë të ditur se njësia për deminim të FSK-së kanë bëre asgjësimin e granatave dorës në mënyrë të kontrolluar.
“Raportohet se në një fushë janë gjetur dy granata dore. Njësia policore ka bërë sigurimin e vendit të ngjarjes, ndërsa njësia për deminim të FSK-së kanë bërë asgjësimin e granatave dorës në mënyrë të kontrolluar”, thuhet nga Policia e Kosovës.
Banorët mbrapa kamerës treguan që asgjësimi i mjeteve ka zgjatur deri në ora 24 të mbrëmjes ku edhe janë dëgjuar zhurmat e shpërthimeve./tëvë1
