Përplasjet mes pushtetit lokal në Podujevë dhe Lidhjes Demokratike të Kosovës atje, duket se nuk kanë përfunduar.
Pas rastit të kryetarit të komunës Shpejtim Bulliqi dhe asamblistit të LDK-së, Ekrem Rrahmani, dje ka ndodhur edhe një incident mes eksponentëve të dy taborëve.
Në rastin e fundit, ditën e djeshme dyshohet se bashkëpunëtori i Shpejtim Bulliqit, Rinor Hajrullahu, e ka sulmuar sekretarin e degës së LDK-së në Podujevë, Besim Halitin.
Lidhur me rastin janë deklaruar nga policia.
Organet e rendit bëjnë të ditur se Hajrullahu është arrestuar dhe dërguar në mbajtje.
Policia ka nisur hetimin e rastit si “Sulm”, njofton Klankosova.tv
“SULM
Podujevë 15.09.2024, 16:45. Ankuesi mashkull kosovar ka raportuar se ishte sulmuar nga një i dyshuar mashkull kosovar. I dyshuari është arrestuar dhe pas intervistimit me vendim të prokurorit është dërguar në mbajtje”.
Rreth këtij incidenti mbrëmë ka reaguar dega e Lidhjes Demokratike në Podujevë, por asnjë fjalë nuk ka ende nga pala tjetër.
Për këtë ndodhi ka raportuar mbrëmë edhe Klan Kosova.
