Cristiano Ronaldo u shfaq në të tre ndeshjet e grupit të Portugalisë, megjithatë, për herë të parë në karrierën e tij ai përfundoi fazën e grupeve në një kompeticion të madh pa shënuar asnjë gol.
Ylli i Al-Nassr është kritikuar për vështirësitë e tij para portës, por ish-mbrojtësi i Liverpool-it Jose Enrique, e mbështeti atë për t’u vërtetuar se dyshuesit e tij e kishin gabim pasi të arrijë faza e eliminimit të Euro 2024.
“Ndeshja e raundit të 16-të të Portugalisë kundër Sllovenisë është vendi ku do të shfaqet Cristiano Ronaldo. Ai nuk pati fazën më të mirë të grupeve dhe u kritikua për paraqitjet e tij. Nuk mendoj se Sllovenia është një lojë e lehtë për Portugalinë, por unë mendoj se ata do ta fitojnë ndeshjen 1-0 me Cristianon që shënon fituesin dhe do të dëshmojë se dyshuesit e tij nga fazat e grupeve e kanë gabim, siç ka bërë aq shpesh në të kaluarën”, tha Enrique duke folur për Grosvenor Sport.
Ronaldo shpreson të bëhet lojtari i parë në histori që shënon në gjashtë edicione të ndryshme të Kampionatit Evropian kur të përballet me Slloveninë të hënën mbrëma në raundin e 16-të, shkruan Goal.com, përcjell kk.
