Presidenti i Türkiyes, Recep Tayyip Erdoğan, duke folur për konfliktin në Lindjen e Mesme midis Izraelit dhe Iranit, shprehu mbështetjen për të drejtën e Iranit për vetëmbrojtje kundër Izraelit.
“Është krejtësisht e drejtë e natyrshme, legjitime dhe e ligjshme që Irani të mbrojë veten nga banditizmi dhe terrorizmi shtetëror i Izraelit”, tha presidenti turk gjatë Takimit të Grupit Parlamentar të Partisë për Drejtësi dhe Zhvillim (AK Parti) në Ankara.
Komentet e tij erdhën në mes të sulmeve në rritje izraelite që synojnë Iranin dhe aleatët e tij në rajon.
Duke theksuar seriozitetin e konfliktit, Erdoğan dënoi udhëheqjen e Izraelit. “(Kryeministri izraelit Benjamin) Netanyahu prej kohësh e ka tejkaluar tiranin Hitler në krimin e gjenocidit. Shpresojmë që fatet e tyre të mos jenë të njëjta”.
“Po bëjmë gjithçka që mundemi për të ndaluar agresionin çnjerëzor (të Izraelit) kundër Gazës, Sirisë, Libanit, Jemenit dhe fqinjit tonë, Iranit”, shtoi Erdoğan .
“Është krejtësisht e drejtë e natyrshme, legjitime dhe e ligjshme që Irani të mbrojë veten nga banditizmi dhe terrorizmi shtetëror i Izraelit”, tha ai.
“Disa madje e mbështesin këtë banditizëm”, tha Erdoğan duke kritikuar OKB-në, organizatat ndërkombëtare dhe shtetet për heshtjen e tyre.
Ai nënvizoi gjithashtu humbjet njerëzore si rezultat i veprimeve të Izraelit, duke paralajmëruar: “Gjaku i civilëve të masakruar, foshnjave dhe fëmijëve të vrarë është spërkatur jo vetëm në duart dhe fytyrat e atyre që mbështesin arrogancën e Izraelit, por edhe mbi ata që heshtin”.
Duke iu drejtuar shqetësimeve mbi stabilitetin rajonal, Erdoğan dha siguri se Türkiye do mbetet vigjilente: “Ne po i monitorojmë nga afër sulmet terroriste të Izraelit ndaj Iranit. Të gjitha institucionet tona janë në gatishmëri për efektet e mundshme të këtyre sulmeve në Türkiye”.
“Ne kemi bërë dhe po bëjmë përgatitje për çdo zhvillim dhe skenar të mundshëm negativ”, shtoi ai.
