Ish-kryeministri i Kosovës, Avdullah Hoti, ka bërë thirrje për organizimin e një proteste demokratike në mbështetje të projektit të Gazit të Lëngshëm Natyror me prejardhje amerikane, si dhe për forcimin e aleancës së Kosovës me Shtetet e Bashkuara të Amerikës.
Hoti ka deklaruar se refuzimi i këtij projekti nga Qeveria e Kosovës po vazhdon, pavarësisht kërkesave të përsëritura nga zyrtarë amerikanë, duke paralajmëruar se vendi mund të mbetet jashtë një projekti rajonal me rëndësi strategjike.
Sipas tij, projekti buron nga Marrëveshja e Uashingtonit e 4 shtatorit 2020, ndërsa kundërshtimet ndaj tij kanë ardhur kryesisht nga Lëvizja Vetëvendosje.
Ai ka theksuar se arsyetimet e Qeverisë për refuzimin e projektit janë ekonomike, por sipas tij ato nuk qëndrojnë. Hoti vlerëson se projekti i gazit amerikan do të ndihmonte në diversifikimin e burimeve të energjisë dhe në rritjen e sigurisë së furnizimit në Kosovë.
Sipas tij, moszbatimi i këtij projekti po sjell pasoja ekonomike për qytetarët dhe bizneset, duke theksuar se në katër vitet e fundit janë shpenzuar qindra miliona euro për import të energjisë elektrike
