250-vjetori i Pavarësisë së Shteteve të Bashkuara të Amerikës do të shënohet me një sërë aktivitetesh në Kosovë.
E Ngarkuara me Punë e SHBA-së në Kosovë, Anu Prattipati, do të organizojë një pritje solemne në kuadër të kremtimit të këtij jubileu të rëndësishëm për shtetin amerikan.
E në prag të festimeve, Ambasada e SHBA-së në Prishtinë ka vendosur një flamur gjigant amerikan në hapësirat e saj, si pjesë e aktiviteteve simbolike që i paraprijnë shënimit të 250-vjetorit të shpalljes së pavarësisë.
Ndërkohë, aktivitet për këtë përvjetor do të organizohet edhe nga Komuna e Prishtinës. Kryetari i Prishtinës, Përparim Rama, ka bërë të ditur se më 2 korrik, nën patronatin e Kryeqytetit, do të mbahet ngjarja “America and Kosova – A Freedom Story for the Next 250 Years”.
Sipas njoftimit, aktiviteti do të nisë në orën 10:00 dhe do t’i kushtohet historisë së lirisë, partneritetit dhe miqësisë ndërmjet Shteteve të Bashkuara të Amerikës dhe Kosovës, si dhe bashkëpunimit ndërmjet dy vendeve
