Ministria e Mjedisit, Planifikimit Hapësinor dhe Infrastrukturës (MMPHI), njofton të gjithë të interesuarit për Aplikim për Administrator të Sistemit të Rimbursimit të Depozitave (SRD), që do të publikohet më 20 shkurt 2024.
Në njoftim thuhet se sistemi i Rimbursimit të Depozitave, do të ulë ndjeshëm ndotjen nga shishet plastike, shishet e qelqit dhe kanaçet e aluminit.
“Sistemi i rimbursimit të depozitave është një mekanizëm ku konsumatorët paguajnë një depozitë për produkte si shishe plastike apo të tjera dhe pastaj marrin këtë depozitë përsëri kur kthejnë produktin e zbrazët”, thuhet në njoftim.
Tutje thuhet se ky sistem inkurajon riciklimin dhe ndihmon në zvogëlimin e mbeturinave, duke nxitur kështu përgjegjësinë mjedisore dhe rikthimin e burimeve.
Në vegëzën më poshtë gjeni të bashkangjitur detaje dhe dokumentet përcjellëse:
