Kryeministri Albin Kurti e ka kundërshtuar edhe nga Turqia themelimin e Asociacionin një etnik në Kosovë.
Në një intervistë ekskluzive për TRT World, ai ka përsëritur qëndrimet e tij rreth krijimit të Asociacionit, duke e kërkuar njohjen reciproke në qendër. Kurti e ka përshëndetur interesimin e presidentit turk, Regep Tayip Erdogan për propozimin franko-gjerman dhe mbështetjen e tij për normalizimin e raporteve mes dy vendeve.
Qëndrimet kundër themelimit të Asociacionit, kryeministri Albin Kurti, i shprehu publikisht edhe në mediat turke.
Teksa Kurti ishte thirrur nga presidenti i Turqisë, Regep Tayip Erdogan, për vizitë zyrtare, foli edhe për temat aktuale në Kosovë dhe dialogun me Serbinë.
I pyetur nëse do ta pranojë themelimin e një bashkësie komunash serbe, Kurti ripërseriti mendimin e tij kundër por kësaj radhe me një shembull konkret.
“Mendoj që propozimi franko-gjerman nuk është një propozim për Asociacionin për të tri pakicat. E thash edhe më parë të kërkosh themelimin e Asociacionit pa njohe reciproke është sikur të kërkosh kafe pa filxhan. Unë nuk mund të ofrojë kafe pa filxhan, “shteti është filxhani”.- Albin Kurti – Kryeministër i Kosovës
Kurti e ka krahasuar situatën që mund të ndodhë pas krijimit të Asociacionit me atë të Bosnje Hercegovinës.
“Vullneti i njerzëve në Kosovë, Kushtetutshmëria dhe ligjshmëria janë ato që më shtynë të them se fillimisht na duhet njohje reciproke dhe vetëm më pas çdo lloj asociacioni, dhe le të mos harrojmë për përvojën tonë të hidhur të Bosnjës dhe Hercegovinës, ku 14 komuna me shumicë të tretë u bënë bashkë dhe deklaruan pavarisnë e tyre, më pas kushtetutën e më vonë hynë në luftë. Beogradi dëshiron një Republike Serbe. Përmes entitetit autonom brenda fqinjit të tyre, ata përpiqen ta kthejnë atë shtet në një shtet të dështuar dhe në këtë mënyrë të zbatojnë atë që ata e quajnë tani jo Serbi e madhe por Bota Serbe, kështu që në thelb është hegjemonia e një qendre kundër fqinjëve duke instrumentalizuar një pakicë. Ne kemi shtatë pakica në Kosovë, nuk mund të kemi një pakicë më të madhe të qytetarëve. Ata duhet të jenë të barabartë sepse Kosova është Republikë”
Derisa, u folë për marrëdheniet e shëndosha mes Kosovës e Turqisë, Kurti shprehu se ka përkrahjen e presidentit turk për normalizim të raporteve me shtetin fqinj.
“Presidenti Erdogan vërtetë dëshiron ta mbështes Kosovën. Jam shumë falenderues për kontributin që Republika e Turqisë e ka dhënë për shtetitn. Turqia po na ndihmon të bëhemi pjesë e Këshillit të Evropës dhe në NATO. Presidenti Erdogan e njehë shumë mirë rajonin dhe si i tillë ai ka qenë i interesuar të di më shumë rreth propozimit të BE-së. Unë i kam shpjeguar atij cilat janë disa element kyqe. Ne e kemi përkrahjen e tij për rrugën drejt normalizimit të marrëdhënieve”.
Kurti tutje tha se do të ketë takime të shumta të nivelit të lartë, për çka edhe do të qartësohen marrëveshjet e ardhshme.
Kryeministri qëndroi këtë javë në një vizitë të parë zyrtare në Turqi ku takoi edhe presidentin e këtij vendi.