Kryetari i Shoqatës së Qumështorëve të Kosovës, ka njoftuar se ka dorëzuar padi për shpifje ndaj gazetarit Vehbi Kajtazi në Gjykatën Themelore në Prishtinë, duke pretenduar se akuzat e bëra ndaj tij dhe Qumështores Ajka nuk mbështeten në prova, përcjell KosovaPost.
Sipas reagimit të publikuar me anë të një postimi në Facebook, ai tha se kishte lënë një afat prej shtatë ditësh për paraqitjen e dokumenteve që, sipas tij, do të dëshmonin pretendimet se Qumështorja Ajka ka importuar vaj palme apo qumësht pluhur, por se një gjë e tillë nuk ka ndodhur.
Ai deklaroi se, bazuar në të dhënat e prezantuara publikisht më 10 maj 2026 në Agjencinë e Ushqimit dhe Veterinarisë (AUV), Qumështorja Ajka nuk figuron si importuese e vajit të palmës apo qumështit pluhur.
Postimi i plotë:
Kryetari i Shoqates ka paditur gazetarin Vehbi Kajtazi per shpifje .
Mẽ poshtẽ gjeni reagimin :
KAJTAZI, TANI ËSHTË RADHA JOTE!
7 ditë afat.
Afati kaloi.
Asnjë provë.
Asnjë dokument.
Asnjë faturë.
Asnjë dëshmi që Qumështorja Ajka ka importuar vaj palme apo qumësht pluhur.
Prandaj, sot, më 29.07.2026, e bëra atë që duhej bërë:
PADIA PËR SHPIFJE KUNDËR Z. VEHBI KAJTAZI ËSHTË DORËZUAR NË GJYKATËN THEMELORE NË PRISHTINË.
Tani mbaruan deklaratat.
Mbaruan aludimet.
Mbaruan akuzat pa prova.
TANI FLASIN FAKTET.
Z. Kajtazi, nëse ke prova, paraqiti.
Ku janë dokumentet doganore?
Ku janë faturat?
Ku është dëshmia se Qumështorja Ajka ka importuar vaj palme?
Ku është dëshmia se Qumështorja Ajka ka importuar qumësht pluhur?
Nxirri në gjykatë.
Sepse, sipas të dhënave të prezantuara publikisht më 10.05.2026 në AUV, nga ministri i Bujqësisë, z. Armend Muja, Qumështorja Ajka nuk figuron si importuese e vajit të palmës apo e qumështit pluhur.
Dhe po e them edhe një herë, qartë dhe pa asnjë ekuivok:
AJKA NUK KA IMPORTUAR KURRË VAJ PALME.
AJKA NUK KA IMPORTUAR KURRË QUMËSHT PLUHUR.
AS EDHE NJË KILOGRAM TË VETËM.
Prandaj, tani nuk është më koha për fjalë.
Është koha për PROVA.
Nëse ekzistojnë, le të paraqiten.
Nëse nuk ekzistojnë, atëherë le të vendosë gjykata për përgjegjësinë.
Unë nuk do të hesht.
Nuk do të tërhiqem.
Dhe nuk do të lejoj që emri im dhe emri i Qumështores Ajka të përdoren për akuza të cilat, sipas meje, nuk mbështeten në fakte.
Kjo çështje tani është në gjykatë.
Dhe atje nuk vendos propaganda.
Nuk vendosin titujt.
Nuk vendosin opinionet, paragjykimet apo insinuatat.
Vendosin provat.
Unë do ta çoj këtë çështje deri në fund.
Për veten time.
Për Qumështoren Ajka.
Por edhe për konsumatorët e Kosovës, të cilët kanë të drejtë ta dinë të vërtetën dhe të zgjedhin lirisht se çfarë konsumojnë.
Dhe kam marrë një vendim:
ÇDO CENT QË DO TË PËRFITOJ NGA KJO PADI DO TË DEDIKOHET PËR PACIENTËT ME SËMUNDJE KARDIOVASKULARE DHE DIABET TË TIPIT 2.
Ky është një zotim i imi personal, sepse besoj se çdo e mirë që mund të dalë nga kjo çështje duhet t’u kthehet njerëzve në nevojë.
Kjo është përgjigjja ime.
JO HAKMARRJE.
POR DREJTËSI DHE PROVA.
E VËRTETA DUHET TË DALË.
KAJTAZI, TANI RADHA ËSHTË E JOTJA.
PROVAT MBI TAVOLINË.
E VËRTETA PARA GJYKATËS.
Dhe një mesazh për të gjithë ata që merren me montimin, përhapjen apo përsëritjen e pretendimeve shpifëse ndaj meje si person apo ndaj Qumështores Ajka:
Duhet ta dinë se për çdo deklarim që cenon emrin, reputacionin dhe dinjitetin tim apo të Qumështores Ajka, do të kërkoj përgjegjësi përmes rrugëve ligjore, pa dallim.
Kush ka prova – le t’i paraqesë.
Kush nuk ka prova – le të mbajë përgjegjësi për fjalët e veta.
