Kryeministri i vendit, Albin Kurti, ka marrë pjesë në hapjen e Lojërave Parasportive “Kosova 2023”, të organizuara nga Komiteti Paralimpik i Kosovës.
Kurti tha se Komiteti Paralimik i Kosovës ka korrur suksese të pamohueshme që e ndihmojnë sportin, personat me aftësi të kufizuara dhe e afirmojnë vendin në arenën ndërkombëtare.
“Le të shikojmë ndeshje në kuadër të atyre se çfarë janë planifikuar e përgatitur për sot, le të argëtohemi bashkë dhe le të shoqërohemi sa më shumë në mënyrë që ta mbështesim e ta ndihmojmë njëri tjetrin e natyrisht më së shumti të gjithë ata persona që janë me nevoja të veçanta apo me aftësi të kufizuara”, tha Kurti gjatë kësaj ceremonie.
Këtë vit, Lojërat Parasportive do të përfshijnë 13 disiplina sportive në total, teksa sipas Kurtit, mbështetja financiare është rritur nga 15 mijë euro në 100 mijë euro për vit.
