Në Prishtinë të shtunën u organizua ceremonia e diplomimit për vitin shkollor 2022-2023 të maturantëve të Shkollave Ndërkombëtare Maarif të Kosovës, që veprojnë në kuadër të Fondacionit Maarif të Turqisë (TMV), raporton Kosova Post.
Në ceremoninë e mbajtur në Prishtinë morën pjesë Ambasadori i Turqisë në Prishtinë, Sabri Tunç Angili, drejtori i shkollës në Prishtinë, mësues, nxënës dhe familjet e tyre.
Shkollat Maarif në Kosovë kanë arritur sukses të rëndësishëm në një kohë shumë të shkurtër me infrastrukturën fizike, sistemin arsimor, kuadrin e dalluar të mësimdhënësve dhe aktivitetet akademike.
Shkollat Maarif me mbajtjen e provimeve të studentëve të huaj të organizuar nga universitetet më të rëndësishme të Turqisë, kanë kontribuar që të rinjtë tanë nga Kosova të kenë mundësinë të vazhdojnë shkollimin në universitetet më të mira të Turqisë.
Përfawësuesi i shkollave Maarif tha gjithashtu se Fondacioni Maarif po ec drejt qëllimit për t’u bërë një markë globale arsimore.
Drejtori i shkollës në Prishtinë, nga ana tjetër, tha se maturantët do ta avancojnë edhe më tej vëllazërinë mes Kosovës dhe Turqisë.
Ceremonia u mbyll me një koncert muzikor të nxënësve dhe ceremoninë e diplomave.
