Elon Musk është larguar me shpejtësi nga pozita e tij në Departamentin për Efiçiencë Qeveritare në Shtëpinë e Bardhë pas një përplasjeje fizike me Sekretarin e Thesarit, Scott Bessent, sipas ish-këshilltarit Steve Bannon.
Bannon tha për DailyMail se Bessent e kishte përballur Musk për premtimet e papërmbushura për të kursyer një trilion dollarë, duke e akuzuar se kishte arritur vetëm 100 miliardë, pa ndonjë efekt të qartë.
“Dhe aty Elon u bë fizik. E shtyu”, tha Bannon, duke theksuar se përplasja ndodhi pranë zyrave të stafit të lartë të administrates, trasmeton Klankosova.tv.
Presidenti Trump thuhet se e mbështeti Bessentin në këtë situatë, ndërsa zëdhënësja e Shtëpisë së Bardhë, Karoline Leavitt, e quajti incidentin si pjesë të “mosmarrëveshjeve normale në një proces të shëndetshëm politik”.
Largimi i Musk ndodhi pak para përfundimit të mandatit të tij pesëmujorsh si “punonjës i posaçëm qeveritar”, ndërkohë që kishte nisur të kritikonte publikisht projektligjin e brendshëm të administratës.
Përplasja vjen mes raportimeve se Musk ishte nën ndikimin e drogës gjatë fushatës, përfshirë ketaminën dhe kërpudhat psikedelike – gjë që thuhet se e ka ulur ndikimin e tij në rrethin e Trump.
