Deputeti i zgjedhur i LDK-së, Avdullah Hoti ka reaguar pas dorëzimit të nënshkrimeve për Kuvendin e jashtëzakonshëm të LDK-së.
Ai në një postim në Facebook ka thënë se askush nuk është mbi LDK-në dhe anëtarësinë e saj
“Forca e LDK-së është vullneti i anëtarësisë, jo ambicia e individëve. Askush nuk është mbi LDK-në dhe anëtarësinë e saj”, ka shkruar Hoti.
Ai është një nga figurat e LDK-së që nuk pajtohet me mënyrën se si Abdixhiku drejton partitë dhe ka kërkuar reflektim e përgjegjësi pas rezultate në dy zgjedhjet e fundit nacionale ku LDK u rendit e treta.
Armend Zemaj ka konfirmuar se janë deponuar 150 nënshkrime në sekretariatin e partisë, për Kuvendin e jashtëzakonshëm në LDK, iniciativë e nisur nga dega në Pejë e Lipjan që si kërkesë ka shkarkimin e Abdixhikut nga posti i kryetarit të LDK-së.
