Kandidatja për deputete, Adelina Thaçi, ka dalë me reagim pas përfundimit të procesit të numërimit të votave, pas së cilave nuk arriti ta sigurojë edhe një mandat në Kuvend.
Thaçi theksoi se çdo votë e marrë për të përfaqëson më shumë se një numër, duke e cilësuar si përgjegjësi, respekt dhe motivim për të vazhduar angazhimin e saj politik dhe publik
“Edhe pse këtë herë nuk arrita të jem pjesë e Kuvendit si deputete, ndihem krenare dhe mirënjohëse për mbështetjen e jashtëzakonshme që mora,” u shpreh ajo, duke shtuar se humbja e mandatit nuk nënkupton humbje të vlerave dhe idealeve për të cilat ka qëndruar.
Ajo theksoi gjithashtu se rrugëtimi politik nuk matet vetëm me rezultate zgjedhore, por edhe me ndikimin, njerëzit e takuar dhe besimin e ndërtuar ndër vite.
“Faleminderit për çdo votë, çdo fjalë të mirë dhe çdo zemër që më besoi,” përfundoi ajo.
