Presidentja Vjosa Osmani ka pritur në takim zëvendësministrin e Punëve të Jashtme të Turqisë, Mehmet Kemal Bozay.
Ata kanë diskutuar për thellim të marrëdhënieve në mes të dy vendeve, derisa Osmani ka përsëritur ftesën për homologun e saj turk, Recep Tayyip Erdogan, për vizitë në Kosovë.
Sipas njoftimit të Presidencës, në takim Osmani ka kërkuar mbështetjen e Turqisë për integrimin e Kosovës në organizata ndërkombëtare.
Në këtë takim është diskutuar edhe për zhvillimet politike dhe të sigurisë në vend.
“Presidentja Osmani theksoi se prezenca e Policisë Speciale të Kosovës në objektet komunale dhe rreth tyre në veri tashmë është zvogëluar, ndërsa po vazhdon puna për plotësimin e infrastrukturës ligjore për mbajtjen e zgjedhjeve të reja në katër komunat e veriut nëpërmjet peticionit të qytetarëve”, është theksuar në komunikatë.
