Shoqata e Qumështoreve të Kosovës ka reaguar pas zhvillimeve të fundit në sektorin e qumështit ku inpektoret e AUV kryen inpektime te paparalajmeruara ne qumeshtoren VITA.
Kjo shoqate, ka kërkuar ndalimin e përdorimit të vajit të palmës në fabrikat e përpunimit të qumështit dhe marrjen e masave për mbrojtjen e prodhimit vendor.
Në reagimin e saj, shoqata vlerëson se përdorimi i vajit të palmës po ndikon negativisht në sektorin e qumështit, duke dëmtuar fermerët, konsumatorët dhe skemat mbështetëse të Qeverisë për bujqësinë.
“Vaji i palmës duhet të ndalohet në fabrikat e përpunimit të qumështit. Ai është duke i shkatërruar dhe mbyllur fermat vendore, duke e dëmtuar shëndetin e konsumatorëve dhe duke i bërë të pavlefshme skemat e përkrahjes qeveritare”, thuhet në reagimin e Shoqatës së Qumështoreve.
Sipas shoqatës, edhe përdorimi i qumështit pluhur, së bashku me vajin e palmës, po dëmton rëndë imazhin e produkteve vendore të qumështit dhe po krijon konkurrencë të padrejtë për prodhuesit që përpunojnë qumësht të freskët nga fermerët e Kosovës.
Shoqata ka paraqitur disa kërkesa për institucionet dhe industrinë, duke kërkuar:rumbullimin e qumështit të fermerëve në të gjitha zonat e Kosovës;
- rikthimin e çmimit të qumështit në nivelin e mëparshëm;
- ndërprerjen e reduktimeve të pranimit të qumështit pa arsye madhore;
- eliminimin e vonesave në pagesat ndaj fermerëve, të cilat sipas saj arrijnë deri në 3 deri në 6 muaj.
Shoqata e Qumështoreve thekson se mbështetja e prodhimit vendor dhe garantimi i një tregu të drejtë për fermerët janë të domosdoshme për zhvillimin e sektorit të qumështit në Kosovë.
