OVL-UÇK, caktimin e 16 shtatorit si datën e shpalljes së aktgjykimit ndaj Hashim Thaçit, Kadri Veselit, Rexhep Selimit dhe Jakup Krasniqit, e ka konsideruar si të padrejtë dhe të papranueshëm, përcell KosovaPost.
Përmes një reagimi në Facebook, OVL e UÇK-së thotë se shtyrjet e njëpasnjëshme, “të maskuara si përgjigje ndaj vëllimit dhe kompleksitetit, vërtetojnë atë që kemi theksuar që në fillim: ky proces është thjesht në shërbim të politikës së Serbisë dhe aleatëve të saj, me qëllim që ta ulë në bankën e të akuzuarve Luftën Çlirimtare, ndërkohë që amniston makinerinë gjenocidiale të shtetit fashist serb, duke e shpëtuar nga llogaridhënia”.
