Ish-komandanti i UÇK-së në Zonën e Nerodimes, Shukri Buja, ka udhëtuar në Hagë me ftesë të detyruar të paraqitjes në Dhomat e Specializuara.
Këtë ai e bëri të ditur në një reagim të tij në facebook ndërsa beson në luftën e pastër të bashkëluftëtarëve të UÇK-së, transmeton klankosova.tv.
”Të nderuar bashkëluftëtarë, miq dhe dashamirë, të nderuar qytetarë!
Me ftesë nga Dhomat e Specializuara të Kosovës me seli në Hagë, sot pa dëshirën time, me ftesë të detyruar të paraqitjes, udhëtova për në Hagë.
UÇK ishte e shenjtë, ishte kundër pushtuesit, falë luftës së saj të armatosur dhe falë përkrahjes së aleateve në veçanti nga SHBA-të ne e gëzojmë lirinë sot.
Lufta çlirimtare në Kosovë ishte e imponueshme, e domosdoshme dhe e drejtë, ngaqë ishte e drejtuar kundër një pushtuesi, i cili përpiqej me zjarr dhe hekur të kryente spastrimin e përgjakshëm etnik të Kosovës.
Lufta çlirimtare solli lirinë dhe pavarësinë që shumë po e gëzojnë sot, ndërsa bijtë më të mirë të këtij vendi u akuzuan dhe po mbahen padrejtësisht në burg.
Besoj në pafajësinë e bashkëluftëtarëve!”
