Ndryshojnë sërish çmimet e karburanteve në vend. Në mbledhjen e kësaj të mërkure, Bordi i Transparencës ka vendosur të ulë sërish çmimin e naftës. Kështu nafta do shitet me 172 lekë/litri nga 174 Lekë/litër.
Benzina do të shitet me 175 Lekë për litër ndërsa gazi me 66 Lekë për litër.
Çmimet e caktuara nga Bordi do të hynë në fuqi në datë 3 Maj ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
