Programi i Kombeve të Bashkuara për Zhvillim, ka dhënë donacion për Policinë e Kosovës, dy skaner dhe 20 komplete të veglave të punës, të nevojshme për kontroll në vijën e dytë të kontrollit kufitar.
Kjo gjatë një ceremonie të mbajtur të premten në Drejtorinë e Përgjithshme të PK-së në prani të drejtorit të Departamentit për Mbështetje Fatmir Bajrami, drejtorit të Departamentit për Polici Kufitare Fehmi Xhata, si dhe zëvendësdrejtor të UNDP-së Dudley Tarlton.
“Policia e Kosovës shpreh mirënjohje për mbështetjen e vazhdueshme nga UNDP me pajisje logjistike dhe teknologjike të cilat ndihmojnë PK-në që të jetë më efikase dhe efektive në luftë kundër të gjithave llojeve të krimit, përfshirë atë transkufitar, dukurive negative si dhe ofrimit të një sigurie më të mirë për qytetarët e vendit”, thuhet në njoftim, përcjell KosovaPost.
