Presidentja e Komisioni Evropian, Ursula von der Leyen ka thënë se Irani nuk duhet të pajiset kurrë me armë bërthamore duke e vlerësuar si burim kryesore të tensionove në rajon.
Ajo këtë e ka thënë gjatë një bisede me kryeministrin e Izraelit, Benjamin Netanyahu.
Ursula von der Leyen ka thënë se në këtë bisedë ka shprehur angazhimin e BE-së për paqe dhe përpjekje për de-përshkallëzim të situatës.
Po ndjekim me shqetësim të thellë zhvillimet në Lindjen e Mesme.
“Në këtë kontekst, theksova se Izraeli ka të drejtën të mbrohet. Irani është burimi kryesor i paqëndrueshmërisë në rajon. Evropa ka qenë gjithmonë e qartë: Irani nuk duhet të pajiset kurrë me armë bërthamore. Ka një nevojë urgjente për një zgjidhje të negociuar.Ne kemi shprehur vazhdimisht shqetësime të forta për programet bërthamore dhe raketat balistike të Iranit — të njëjtat raketa që godasin pa dallim qytete, jo vetëm në Izrael, por edhe në Ukrainë”, ka shkruar presidentja e BE-së në X.
Ajo ka bërë të ditur se kanë diskutuar edhe për situatën në Gaza ku ka thënë se kriza humanitare është e papranueshme.
“Diskutuam gjithashtu për Gazën. Situata humanitare në Gaza është e papranueshme. Ritheksova thirrjen tonë urgjente për të lejuar që ndihmat humanitare të arrijnë menjëherë te civilët në nevojë.Rifillimi i armëpushimit dhe lirimi i menjëhershëm i pengjeve, në mënyrë që të arrihet përfundimisht një fund i qëndrueshëm i armiqësive, është i domosdoshëm”, ka thënë ajo.
