Një zjarr ka përfshirë mbrëmë një pjesë të fabrikës së dyshekëve ‘Comodita’ në Gjakovë, me ç’rast janë shkaktuar dëme materiale dhe pa pasoja në njerëz.
Sinjali mëson se flakët kanë kapluar pjesën e pushimores së punëtorëve dhe kabinën e një kamioni që ndodhej aty pranë.
Në vendin e ngjarjes kanë dalë njësitë relevante, me ç’rast zjarrfikësit kanë lokalizuar dhe kanë shuar zjarrin në tërësi.
Momentalisht nuk dihen shkaqet e incidenti e as dëmet që ka shkaktuar zjarri, mirëpo janë marrë veprimet hetimore që ndihmojnë në zbardhjen e rrethanave të rastit.
Me urdhër të prokurorit, rasti është cilësuar ‘Incident zjarri’, ndërsa veprimet tjera ligjore do merren varësisht nga zhvillimi i hetimeve.
