Policia Rajonale e Ferizajt u ka bërë thirrje qytetarëve që të tregojnë kujdes dhe përgjegjësi maksimale për parandalimin e zjarreve, sidomos gjatë ditëve me temperatura të larta, kur rreziku për përhapjen e tyre është më i madh.
Sipas policisë, çdo zjarr, qoftë i qëllimshëm apo si pasojë e pakujdesisë – mund të rrezikojë jetën e njerëzve, të shkaktojë dëme të konsiderueshme materiale dhe të dëmtojë rëndë mjedisin.
Policia apelon që qytetarët të shmangin djegien e mbeturinave, barit të thatë, sipërfaqeve bujqësore dhe pyjore, si dhe çdo veprim tjetër që mund të shkaktojë zjarr. Njëkohësisht, është theksuar se ndaj çdo personi që shkakton zjarr do të ndërmerren masa ligjore, pa dallim nëse veprimi është i qëllimshëm apo nga neglizhenca.
Polivia ftojn qytetarët që të bashkëpunojnë me policinë dhe të raportojnë çdo rast të dyshuar të zjarrvënies apo situatë që paraqet rrezik.
