Bashkimi Evropian ka refuzuar kërkesën e Rusisë për konsultime në Organizatën Botërore të Tregtisë (OBT) lidhur me mekanizmin e ri evropian të taksës kufitare të karbonit.
Sipas një dokumenti zyrtar të dorëzuar më 26 maj në OBT, BE-ja e justifikon refuzimin me “luftën agresive” të Rusisë kundër Ukrainës, duke e konsideruar të pamundur një zgjidhje reciprokisht e kënaqshme në kuadër të konsultimeve.
Rusia kishte kërkuar këto bisedime si hap paraprak për një ankesë zyrtare në OBT, pasi kundërshton vendosjen e kësaj takse që prek eksportet me emetim të lartë karboni drejt BE-së.
Megjithatë, BE ka theksuar se në këtë fazë nuk shikon mundësi për progres konstruktiv me Moskën për shkak të situatës gjeopolitike.g.e.
