Asambleja Parlamentare e Këshillit të Evropës sot e ka filluar sesionin vjeshtor aty pjesëmarrës është edhe delegacioni i deputetëve të Kuvendi të Kosovës, në krye më nënkryetaren Saranda Bogujevci.
Në një postim në Facebook, deputetja e PDK-së, Ariana Musliu-Shoshi, ka thënë se gjatë këtij sesioni në Strasburg do të ketë takime të grupeve politike, komiteteve, dhe sesioni plenare ku do të trajtohen debate lidhur me çështjen mes Armenisë dh Azerbajxhanit, Ukrainën dhe luftën në Lindjen e Mesme.
“Poashtu do diskutohet edhe për “Propagandën dhe Lirinë e informacionit në Evropë.” Sesionit do të i adresohet Sekretari i Përgjithshëm i Këshillit të Evropës dhe Ministri i Punëve të Jashtme të Lituanisë dhe njëherësh president i Komitetit të Ministrave!”
“Për të dy personalitet kam parashtruar edhe pyetje të cilat, nëse më vjen radha të flas do të i ndaj me ju”, ka thënë Musliu-Shoshi.
Ndërsa, shefi i Grupit Parlamentar të AAK-së, Besnik Tahiri, është duke marrë pjesë poashtu në kuadër të delegacionit të Kosovës.
Ai tha në një video të publikuar në Facebook: “Është shumë e rëndësishme që si Kosovë të kuptojmë se përfaqësimi ynë dhe tregimi për vendin tonë do të ndodhë vetëm atëherë kur ne jemi shumë proaktivë. Kjo është detyrë e nevojshme”, ka thënë Tahiri.
