Nënkryetarja e PDK-së, Vlora Çitaku ka thënë se kryeministri i Kosovës sot në Bruksel do të pajtohet për formimin e Asociacionit.
Ajo duke folur për takimin e Kurtit me Vuçiqin, ka thënë se sot merr fund kauza e Kurtit me të cilën u ngrit.
“Sot merr fund kauza e fundit me të cilën Kryeministri Kurti u ngrit dhe për të cilën ai dikur i shpallte të tjerët tradhtarë e patriotë. Sot Kryeministri e nënshkruan zotimin për zbatimin e Asociacionit. Njeriu i cili thoshte se presionit i nënshtrohen vetëm të shantazhuarit, sot nënshkruan marrëveshjen për të cilën ai dhe subjekti i tij e kanë sulmuar Kuvendin, kanë hedhë gaz lotsjellës. Kaq për kauzat e Kryeministrit”, ka shkruar Çitaku.
