Profesori universitar Hysamedin Feraj ka reaguar pas sulmi të deputetes së AAK-së, Time Kadrijaj, ndaj kryeministrit Albin Kurti.
Feraj, përmes një reagimi në rrjetet sociale, ka rikthyer në vëmendje të kaluarën e Kadrijajt në UÇK, duke e ndërlidhur atë me bashkëpunimin politik të AAK-së me Milan Radojçiqin.
“Gati e kishim harruar se Time Kadrijaj ka qenë në UÇK, ndoshta sepse me vite të tëra ka bashkëpunuar me kriminelin e luftës, Milan Radojçiq”, ka shkruar Feraj.
Ai ka renditur më pas një “zinxhir ngjarjesh”, duke iu referuar raporteve të AAK-së me Radojçiqin dhe qasjes së Qeverisë Kurti ndaj tij.
“Zinxhir ngjarjesh: shefi i Times e pat shpallur Radojçiqin zot shpie në Kosovë, së paku në pjesën veriore; Qeveria e Albin Kurtit e ndoqi me plumba, e shpalli në kërkim dhe të pandehur për krime lufte; Tima goditi Albinin…”, ka shkruar ai.
Feraj ironizon edhe mundësinë që Kadrijaj dhe drejtuesit e saj politikë të pretendojnë se nuk kanë qenë në dijeni për veprimtarinë kriminale të Radojçiqit.
“Ndoshta të dy, Tima dhe shefi i saj, mund të thonë se nuk e kanë ditur se ka kryer krime lufte, sepse kur njeriu nuk do të dijë diçka, ia arrin edhe këtij qëllimi”, ka deklaruar Feraj.
Në fund, profesori e mbyll reagimin me një pyetje ironike:
“E tani, cilën veprimtari të Times ta kujtojmë: atë që zgjati pak apo atë që po zgjat shumë?”
