Donald Trump po mban fjalimin e tij të parë pasi u betua si president për herë të dytë.
Ai falënderoi turmën, zëvendëspresidentin JD Vance dhe politikanë dhe gjyqtarë të tjerë.
“Epoka e artë e Amerikës fillon pikërisht tani”, tha ai, transmeton Telegrafi.
Trump theksoi se vendi do të respektohet përsëri dhe “do t’ia ketë zili çdo komb”.
“Shumë thjesht, do ta vendos Amerikën në vend të parë”, shtoi tashmë presidenti i ri amerikan.
Ai foli për sigurinë, e cila thotë se do të rikthehet.
“Peshorja e drejtësisë do të ribalancohet”, thotë ai.
Trump thotë se “armatizimi” i departamentit të drejtësisë do të përfundojë.
“Prioriteti ynë kryesor do të jetë krijimi i një kombi krenar, të begatë dhe të lirë”, shtoi ai.
Duke e përshkruar veten si “i sigurt dhe optimist”, Trump thotë se “ne jemi në fillimin e një epoke të re emocionuese të suksesit kombëtar”.
“Një valë ndryshimi po përfshin vendin. Rrezet e diellit po derdhen mbi të gjithë botën dhe Amerika ka shansin ta shfrytëzojë këtë mundësi si kurrë më parë”, theksoi Trump.
Por së pari, shtoi ai, “duhet të jemi të sinqertë për sfidat me të cilat përballemi”.
Këto çështje janë “të shumta”, por ai thotë se ato “do të asgjësohen nga ky momentum i madh që bota po përjeton tani”.
Foli për një “krizë besimi” në qeveri, për të cilën thotë se nuk mund të përballojë një “krizë të thjeshtë në shtëpi”.
Zotohet t’u kthejë njerëzve “pasurinë, demokracinë e tyre”.
“Nga ky moment, rënia e Amerikës ka përfunduar. Liritë tona dhe fati i lavdishëm i kombit tonë nuk do të mohohen më”, shtoi ai.
