Ministri francez i Punëve të Brendshme, Bruno Retailleau, ka bërë të ditur se një grup antifashist dhe një grup i ekstremit të djathtë janë shpërbërë zyrtarisht, transmeton Anadolu.
“Jam i kënaqur që organizatat ‘La Jeune Garde’ dhe ‘Lyon Populaire’ janë shpërbërë këtë mëngjes në Këshillin e Ministrave. Mos lejoni që asgjë t’ju ikë”, shkroi Retailleau në platformën sociale X.
Më 29 prill, Retailleau nisi procedurat kundër organizatës antifashiste ‘La Jeune Garde’ dhe grupit të ekstremit të djathtë ‘Lyon Populaire’, duke i akuzuar ato si “grupe de facto që provokojnë akte të dhunshme kundër individëve, provokime që shpesh kanë rezultate”.
Më herët, ministri francez gjithashtu paralajmëroi plane për të shpërbërë grupin pro-palestinez ‘Urgence Palestine’, së bashku me dy organizata të tjera.
Megjithatë, dekreti për grupin ‘Urgence Palestine’ nuk u paraqit gjatë takimit të sotëm të Këshillit të Ministrave.
