Halil Geci i ka dalë në mbrojtjet djalit të tij, Fatos Geci, për deklaratat e tij skandaloze në Kuvendin e Kosovës.
Ai ka kundërshtuar pretendimet e vëllezërve të tij, të cilët kanë thënë se fjalimin e lexuar në kuvend kundër ish-krerëve të UÇK-së deputetit të VV-së ia ka shkruar dikush nga deputetët e VV-së.
Në profilin e tij në Facebook, ai ka shkruar reagimet ndaj fjalimit të djalit të tij janë propagandë.
“Ata që po e akuzojnë Fatosin e kanë për qëllim të dëmtojnë koalicionin me VV-Guxo , Albin Kurtin dhe Donika Gërvallën ,nuk e kanë fare me Fatosin. Reagimi i Fatosit erdhi pasi një deputet nga PDK deklaroi se “po frikësohemi nga Hashim Thaçi”. Në këtë kontekst, Fatosi reagoi duke thënë se, për veprat për të cilat akuzohet Thaçi, ekziston mundësia që ai të përballet me një dënim të rëndë. Kjo që ka thënë Fatosi është diçka që e di e gjithë bota shqiptare. Megjithatë, deklarata e tij është zmadhuar sikur ai të ishte vendimtar për fatin e procesit gjygjësor, sikur prej tij të varej lirimi apo dënimi”, ka shkruar ai.
Sipas tij, reagimet ndaj djalit të tij nuk i bëjnë përshtypje kryeministrit Albin Kurti.
“O njerëz, procesi gjyqësor ka përfunduar dhe nuk ka fuqi që e kthen mbrapa. Prandaj, ju lutem, mos u merrni me çështje të kota. Këto propaganda Albin Kurtit nuk i bëjnë asnjë përshtypje;Ai ka përballuar Serbin, Russin, Edi Ramen dhe të gjithë kundërshtarët e brendshëm e të jashtëm të Kosovës, dhe gjithmonë ka dalë fitimtar”, ka shkruar ai.
