Ushtruesja e detyrës së Presidentes së Kosovës, Albulena Haxhiu, ka bërë të ditur se në Prishtinë ka mirëpritur ambasadorët dhe konsujt e Kosovës që shërbejnë në vende të ndryshme të botës. Në pritjen e organizuar, i pranishem ishte edhe kryeministri në detyrë Albin Kurti, përcjell KosovaPost.
Përmes një postimi, Haxhiu ka thënë se gjatë takimit i ka falënderuar diplomatët për punën që bëjnë gjatë gjithë vitit në përfaqësim të Kosovës.
“Sonte, mirëpritëm në Prishtinë ambasadorët dhe konsujt tanë që shërbejnë në vende të ndryshme të botës. Në fjalën time i falënderova për punën që bëjnë gjatë gjithë vitit në emër të Kosovës”- ka shkruar Haxhiu.
