“Modeli” ekonomik i regjimit të Aleksandar Vuçiqit është mashtrim. Ai tregon ‘ritme verbuese të rritjes’, por në realitet bazohet në shtypjen e parave dhe shitjen e pasurisë kombëtare.
Ky është vlerësimi që ka dhënë mediumi francez, shkruan ozonpress.net.
Ky medium vlerëson se pavarësisht se nuk kalon asnjë javë që Aleksandar Vuçiq të mos hapë një fabrikë të re, prapa këtij fakti fshihet diçka tjetër.
“Këto janë zakonisht aktivitete intensive të punës, të cilat tërheqin paga shumë të ulëta dhe subvencione të mëdha shtetërore në Serbi. Këto kompani në përgjithësi qëndrojnë vetëm për aq kohë sa mund të përfitojnë prej saj, përpara se të zhvendosen në vendet fqinje”, thuhet në tekst.
Kjo sipas mediumit francez, është receta e parë.
Receta e dytë e regjimit sipas tyre, konsiston në shitjen e burimeve natyrore të vendit, qoftë bakri nga lindja e vendit, dhënë kinezëve, apo litiumi nga Serbia lindore, i premtuar gjigantit australiano-kanadez Rio Tinto.
“Një burim tjetër parash në vend është shitja e armëve të vogla, nga të cilat Serbia është një prodhues i madh. Kallashnikovët serbë janë gjetur në Jemen, Libi, në disa kampe në Siri dhe Ukrainë”.
“Regjimi ruan lidhje strukturore me krimin e organizuar, duke filluar me rrjetet globale të kokainës, të cilat fshihen pas rrjeteve të huliganëve dhe rrjeteve të tifozëve të futbollit. Këto rrjete kriminale sundojnë në rajonet veriore serbe të Kosovës, ku veprojnë si zëvendësues për institucionet publike serbe”, thuhet në tekst.
“Ka diçka tjetër. Serbia ka statusin e një vendi kandidat për integrime evropiane që nga viti 2012 dhe ka hapur negociatat e anëtarësimit në vitin 2013. Megjithatë, në realitet, i gjithë procesi i zgjerimit ka qenë në një zonë gri për një kohë të gjatë. Ne duhet të sillemi sikur ky proces të jetë ende aktual, sikur Serbia të jetë një kandidat serioz, por askush nuk e parashikon as edhe një president të mundshëm në të ardhmen der Leyen”, vlerëson teksti.
Pushtimi rus i Ukrainës në shkurt 2022 sipas mediumit frances tha zbhumë. Serbia sipas këtij teksti, është i vetmi vend kandidat për integrim evropian që nuk ka vendosur sanksione ndaj Rusisë, duke refuzuar të rreshtohet me diplomacinë e BE-së për këtë çështje.
Tre vjet pas fillimit të pushtimit rus, BE-ja nuk po i kërkon më Beogradit të vendosë këto sanksione.
“Evropianët nuk guxojnë të ngrenë zërin kundër Beogradit, nga frika se ai do të “bredhë” edhe më tej drejt Moskës. Kështu, presidenti francez Emmanuel Macron shkoi në Beograd në fund të gushtit 2024 për të nënshkruar një kontratë për shitjen e 12 avionëve Rafale, dobia strategjike e të cilëve në Serbi është më se e pasigurt, por misioni ishte “ta vendoste Serbinë në kampin perëndimor”.
Që atëherë, sipas mediumit presidenti francez është bërë “lobisti” më i mirë për mikun e tij serb në qarqet evropiane, sepse “blerësi i Rafale nuk mund të jetë njeri i keq dhe Franca nuk e kritikon kurrë blerësin”, shton artikulli i gjerë.
Në tekst përmenden edhe “miqtë” e Vuçiqit, si kryeministri hungarez Viktor Orban, kryeministri italian Giorgio Meloni dhe ish-kryeministri slloven Janez Jansha. Përmendet gjithashtu kryeministri izraelit Benjamin Netanyahu dhe presidenti amerikan Donald Trump.
Mediumi frances përshkruan gjithashtu edhe ardhjen e Vuciqit në pushtet, të cilën e lidh ngusht me shkollën e vjetër të kasapit të Ballkanit, Slobodan Millosheviq dhe kriminelit të luftës Vojsllav Sheshel .
“Një recetë e tillë daton në vitet 1990. Slobodan Millosheviq përdori Partinë Radikale Serbe (SRS) të Vojislav Sheshel si një dordolec, pjesë e së cilës ishte edhe presidenti aktual i Serbisë. Është e vërtetë se Vuçiq “shkoi në një shkollë të mirë – derisa ishte anëtar i SRS-së. Ai ishte ministër i Informacionit në qeverinë e ‘unitetit kombëtar’ të formuar gjatë luftës së Kosovës në vitin 1998. Gjatë viteve 2000, pas rënies së Millosheviqit, SRS u vendos si forca kryesore e opozitës, por partia mbeti e ngecur me rreth 35 përqind të votave”
Sipas mediumit, kjo recetë e viteve të 90ta funksionoi.
“Vuçiq u bë zëvendëskryeministër në vitin 2012, kryeministër dy vjet më vonë dhe kryetar i shtetit në 2017. SNS e tij ka një shumicë të rehatshme absolute në parlament dhe kontrollon të gjitha bashkitë në vend. Kontrolli partiak merr jetën politike dhe institucionet, por edhe gjyqësorin dhe institucionet kulturore”.
Por gjerat duket se kanë ndryshuar.
Serbia po përjeton një valë revoltash në shkallë të gjerë që nga nëntori. Që nga aksidenti tragjik në stacionin hekurudhor të Novi Sadit, ku më 1 nëntor u shemb tenda, duke vrarë 15 persona, çdo ditë në orën 11:52, në momentin e tragjedisë, disa mijëra serbë janë mbledhur në heshtje për të nderuar viktimat.
