Ministri në detyrë i Financave, Hekuran Murati, ka reaguar lidhur me debatet për afatin e konstituimit të Kuvendit të Kosovës, duke rikujtuar situatën pas zgjedhjeve të 9 shkurtit 2025.
Murati, përmes një reagimi, ka theksuar se rezultatet e zgjedhjeve ishin certifikuar më 27 mars 2025, ndërsa deri më 26 prill, kur sipas tij kishin kaluar 30 ditë nga certifikimi, Kuvendi ende nuk ishte konstituuar.
Sipas Muratit, në atë kohë opozita po e bllokonte procesin e konstituimit, por vonesa nuk ishte cilësuar si problem apo shkelje kushtetuese.
“Zgjedhjet e 9 shkurtit 2025 ishin certifikuar me 27 mars 2025. Me 26 prill 2025 ishin bërë 30 ditë prej certifikimit të zgjedhjeve, dhe nuk ishte konstituuar Kuvendi, sepse opozita po e bllokonte konstituimin”, ka shkruar Murati.
Ai ka shtuar se as opozita dhe as analistët nuk e kishin cilësuar atëherë këtë situatë si shkelje kushtetuese.
“Askush prej opozitës asokohe, e as prej ‘analistëve’, nuk e kishte cilësuar këtë vonesë si problem e as si shkelje kushtetuese. Çka kanë sot?”, ka shkruar Murati.
