Vjosa Osmani ka lavdëruar festivalin “Sunny Hill” duke thënë se ky event po i bën njerëzit të dashurohen me Kosovën.
Përmes një postimi në “X” ish-presidentja e Kosovës, ka shkruar se artisja shqiptare me famë botërore, Dua Lipa e ka vendosur Kosovën në hartën e botës.
“Përmes Sunny Hill, ajo ka sjellë njerëz nga e gjithë bota në Prishtinë dhe i ka dhënë vendit tonë një skenë të pashoqe. Përmes muzikës, zërit të saj dhe dashurisë së palëkundur për atdheun e saj, ajo ia përcjell shpirtin e Kosovës miliona njerëzve në të gjithë globin. Për çdo të ri që e sheh vendin e tij të festohet në skenën botërore, për çdo vizitor që e zbulon Kosovën përmes Festivalit Sunny Hill dhe për një komb të tërë që ndihet shumë më krenar për origjinën e tij: FALEMINDERIT, Dua”, shkroi Vjosa Osmani.
