Prokuroria Speciale përmes një komunikate të lëshuar ka njoftuar se janë duke vazhduar hetimet në një lokacion të tretë lidhur me varrezat masive në Zubin Potok.
“Aktualisht, hetimet po vazhdojnë në një lokacion të tretë. Prokurorja përgjegjëse ishte në vendngjarje së bashku me hetuesit nga Drejtoria për Hetimin e Krimeve të Luftës dhe ekspertët forenzikë për të mbikëqyrur veprimet hetimore.”, thuhet në komunikatë.
Prokuroria Speciale po ashtu bëri të ditur se për shkakë të fazëz së ndjeshme të hetimit nuk mund të japin më shumë informacione.
Tutje në komunikat thuhet se deri më tani tre persona janë arrestuar nën dyshimin për kryerjen e veprës penale “Krime lufte kundër popullsisë civile”.
“Gjatë hetimeve janë kontrolluar disa lokacione. Në fshatin Jabukë janë gjetur mbetje të cilat do t’i nënshtrohen ekzaminimeve mjeko-ligjore dhe analizave të ADN-së për identifikim, ndërsa gërmimet në fshatin Kalludër e Vogël po vazhdojnë.”, thuhet ne komunikatën e prokurorisë
