Pas reagimeve publike për gjendjen e infrastrukturës në Klinikën e Pediatrisë në Qendrën Klinike Universitare të Kosovës (QKUK), ka nisur largimi i shtretërve të dëmtuar nga hapësirat ku trajtohen pacientët më të vegjël.
Ky veprim është ndërmarrë me qëllim të përmirësimit të kushteve për fëmijët e shtrirë dhe për stafin shëndetësor që punon në këtë klinikë.
Vendimi vjen pas publikimit të rrëfimit të një nëne, e cila kishte ndarë përvojën e saj gjatë qëndrimit me fëmijën në objektin e vjetër të Pediatrisë, duke ngritur shqetësime për kushtet e qëndrimit dhe gjendjen e inventarit në klinikë, shkruan EkonomiaOnline transmeton Klankosova.tv.
Një ditë më parë, Shërbimi Spitalor Klinik dhe Universitar i Kosovës (ShSKUK) kishte njoftuar për formimin e një komisioni ad-hoc, i cili do të shqyrtojë masat administrative ndaj punonjësve shëndetësorë lidhur me rastin.
Largimi i shtretërve të dëmtuar është pjesë e masave të ndërmarra pas reagimeve publike për kushtet infrastrukturore dhe standardet e qëndrimit në Klinikën e Pediatrisë në QKUK.
