Kryeministri Edi Rama mbajti një fjalë hyrëse në seancën e parë plenare të Komunitetit të Liderëve Evropianë që po zhvillohet sot në Tiranë.
Rama theksoi simbolikën e ambientit ku po mbahet samiti, muret e të cilit janë të mbuluara nga imagjinata e fëmijëve shqiptarë për Evropën, një simbolikë sipas tij e faktit që ëndrrat e fëmijëve nuk mund të mbahen peng
“Për të gjithë vendin tim dhe popullin shqiptar që t’ju mirëpres në këtë vend dhe në këtë shtëpi të ndërtuar enkas për komunitetin politik evropian ku nuk jeni të rrethuar nga makthet e Evropës, por nga imagjinata e fëmijëve shqiptarë për Evropën. Jo ishte zgjedhje e qartë për ne se ëndrrat e fëmijëve nuk mbahen peng nga mitet e të shkuarës, ëndërrojnë për të ardhmen. Keni ardhur në një moment domethënës kur kemi mësuar ta shohim të shkuarën përmes syve të së ardhmes”, tha Rama.
Në fjalën e tij kreu i qeverisë theksoi rëndësinë e këtij momenti për Shqipërinë dhe rajonin, duke nënvizuar lidhjen e fortë që shqiptarët ndjejnë me Europën si pjesë e identitetit të tyre.
“Mbërritja juaj vijon një fushatë ku Europa ishte një pretendim i përbashkët identiteti, si përgjërim për përkatësi, jo si detyrë shtëpie por fat i bashkëndarë. Ndaj jam kaq i kënaqur që fushata u drejtua nga fjalët Europë-identitet-përkatësi, që fitoi më shumë se 52% të votave. Ishte një Brexit me role të përmbysura”, tha ai.e.news.
