Ish-komandanti i Forcës së Sigurisë së Kosovës (FSK), Rrahman Rama, ka shprehur bindjen se ish-krerët e Ushtrisë Çlirimtare të Kosovës do të shpallen të pafajshëm në Gjykatën Speciale në Hagë.
Rama tha në “Info Magazine”, se beson në drejtësi dhe se katër ish-krerët e UÇK-së do ta fitojnë atë që ai e cilësoi si “betejën e fundit”.
“Unë besoj prapë, jam i prirur që të besoj në drejtësi dhe po besoj që, siç thonë në ushtri, betejën mund ta humbësh, por është shumë me rëndësi luftën mos me e humb”, deklaroi Rama.
