Pasditen e sotme, në Ankara të Turqisë është raportuar për një sulm, të cilin autoritetet atje e cilësuan si terrorist, përcjell KosovaPost.
Nga ky sulm në ambientet e agjencisë shtetërore turke të aviacionit të hapësirës ajrore dhe mbrojtjes TUSASH, raportohet të kenë mbetur katër persona dhe dy nga sulmuesit.
Vjosa Osmani, presidente e Kosovës, ka reaguar për rastin, duke u shprehur ngushëllime familjeve të të prekurve.
“Ne qëndrojmë me aleatin tonë, Turqinë, pas sulmit të sotëm terrorist në Ankara. Ngushëllimet tona më të thella shkojnë për familjet dhe të dashurit e viktimave”, u shpreh Osmani në X.
E para e shtetit theksoi se “terrorizmi dhe dhuna nuk kanë vend në botën tonë”.
Presidenti turk, Recep Tayyip Erdogan, konfirmoi se deri më tani janë katër viktima nga ky sulm, ndërsa edhe dy prej sulmuesve raportohet të jenë vrarë.
