130 ushtarë izraelitë kanë nënshkruar një letër duke njoftuar qeverinë e Tel Avivit se tashmë nuk do të shërbejnë më në ushtri nëse nuk arrihet marrëveshje me Hamasin për të sjellë pengjet nga Rripi i Gazës, transmeton KosovaPost.
Gazeta “Haaretz” ka raportuar se ushtarë izraelitë i bëjnë thirrje qeverisë së koalicionit të kryesuar nga kryeministri Benjamin Netanyahu që të bëjë shkëmbimin e pengjeve.
Në letër thuhet se sulmet në Rripin e Gazës rrezikuan jetën e pengjeve si dhe procesin e kthimit të tyre.
Sipas tyre, në sulmet e kryera për shpëtimin e pengjeve në Gaza vihet në dukje se në këto “operacione” kanë vdekur më shumë se pengjet e shpëtuar.
Duke u shprehur se për ta “vija e kuqe është kapërcyer”, ushtarët theksuan se nuk do të shërbejnë më në ushtri nëse qeveria e Netanyahut nuk bën përpjekje për të arritur marrëveshje për kthimin e pengjeve.
Ndërkaq, thuhet se në duart e grupeve palestineze në Gaza janë më shumë se 100 pengje izraelite ku disa prej të cilëve të vdekur.
Netanyahu, i cili vështirësoi procesin e negociatave me disa kushte që ai vendosi, akuzohet se ka penguar shkëmbimin e pengjeve me Hamasin./AA
