Bashkimi Evropian i ka bërë thirrje Kuvendit të Kosovës që ta miratojë Projektligjin që rregullon statusin e Kishës Ortodokse serbe.
Zëdhënësja e BE-së, Anita Hippes, i bëri thirrje kuvendit që ta miratojë Projektligjin për Liritë Fetare, ku për këtë i ka reaguar zëvendësministri i Punëve të Jashtme, Kreshnik Ahmeti.
Ahmeti tha se Projektligji për Liritë Fetare është miratuar në qeveri, por ulëset e garantuara të komunitetit serb po e mbajnë të bllokuar miratimin në kuvend.
“Qeveria e Kosovës e ka miratuar Projektligjin për Liritë Fetare, por dhjetë ulëset e garantuara për komunitetin serb po garantojnë që ai të mbetet i bllokuar në Kuvendin e Kosovës”, shkroi Ahmeti, transmeton Kosova Post.
Përmes këtij Projektligji, pritet të definohet statusti i Kishës Ortodokse serbe.
Kosova dhe Serbia, më 27 shkurt 2023 e kanë nënshkruar Marrëveshjen e Ohrit, ku përmes kësaj marrëveshje palët janë dakorduar që të palët të zyrtarizojnë statusin e Kishës Ortodokse Serbe.
