Kryeministri, Albin Kurti dhe ministrja e Arsimit, Arbërie Nagavci, do të vizitojnë sot Institutin francez të Kosovës.
“I inauguruar pranverën e kaluar, Instituti francez i Kosovës (IFK) po bëhet vitrinë përpërhapjen e gjuhës frenge dhe kulturës frankofone. IFK është njëkohësisht një qendër e kurseve të gjuhës për publikun e gjerë që do t’i hapë dyert për kursistët e parë këtë muaj. Ai do të jetë një mbështetje për mësimdhënësit e gjuhës frenge në shkollat kosovare dhe një vend për trajnime gjuhësore për nëpunësit civilë kosovarë”, thuhet në komunikatë.
Një qendër e kulturës, IFK mbështet festivalet më të mëdha të vendit, duke sjellë artistë në Kosovë. Në IFK tashmë organizohen takime të ndryshme kulturore.Ngjarja fillon në orën 11:00.
