Presidenti i Turqisë, Rexhep Tajip Erdogan shprehu shpresën se zhvillimet e fundit në lidhje me hapin e parë të grupit terrorist PKK drejt shpërbërjes së tij do të japin “rezultate pozitive” në rrugën drejt një Turqie pa terrorizëm.
“Uroj sukses në këtë udhëtim për të siguruar sigurinë e kombit tonë, paqen e popullit tonë dhe vendosjen e paqes së qëndrueshme në rajonin tonë”, tha Erdogan në një deklaratë në platformën e mediave sociale X, transmeton Kosovapost.net
Drejtori i Komunikimit, Burhanettin Duran, gjithashtu e mirëpriti këtë veprim, duke thënë se një e ardhme pa terrorizëm do ta ndihmojë Turqinë të bëhet më e fortë dhe të përmbushë vizionin e saj “Shekulli i Turqisë” përmes unitetit dhe solidaritetit kombëtar.
Rreth 30 terroristë të PKK-së, shumë prej të cilëve kishin luftuar kundër forcave turke të sigurisë vitet e fundit, u mblodhën në një shpellë pranë Sulaymaniyah dhe ua shkatërruan armët duke i hedhur në një kazan të madh që digjej], sipas një korrespondent të Agence France-Presse (AFP) në vendngjarje.
Çarmatimi vjen pas një njoftimi të rëndësishëm në maj, kur grupi terrorist deklaroi planet për t’u shpërbërë dhe për të braktisur fushatën e tij të armatosur. /Kosovapost.net
