Turqia po përgatitet të bëhet një forcë detare dominuese në krahun jugor të NATO-s gjatë dekadës së ardhshme, me një partneritet surprizë me Spanjën që pritet të riformësojë dinamikën rajonale.
Në samitin e fundit të NATO-s, vendet evropiane u zotuan të rrisin buxhetet e mbrojtjes në 5 përqind të PBB-së, por vendimi i Spanjës për t’u tërhequr tërhoqi vëmendjen.
Tani, sipas raportimeve të medias spanjolle, Madridi po bashkëpunon me Ankaranë për të luajtur një rol kyç në ndërtimin e aeroplanmbajtëses më të madhe të Evropës.
Presidenca Turke e Industrisë së Mbrojtjes (SSB) ka njoftuar se anija, afërsisht 300 metra e gjatë, do të ndërtohet në kantieret detare të Stambollit, transmeton Kosovapost.net
Duke vënë në pah inxhinierinë dhe fuqinë punëtore turke, projekti synon të krijojë një nga platformat detare më të përparuara të kontinentit.
Në partneritet me firmën spanjolle Navantia, kjo iniciativë pasqyron përpjekjen e Turqisë për të rritur praninë e saj në Mesdhe dhe Detin e Zi.
Ekspertët e shohin anijen jo vetëm si një aset lufte, por edhe si një simbol të ambicieve të Turqisë për lidership rajonal. /Kosovapost.net
