Ish deputeti i Kuvendit të Kosovës, Gani Geci, ka reaguar ndaj keqinterpretimeve, lidhur me letrën e vëllait të tij Halil Geci për tu takuar me Kryeministrin Albin Kurti.
Ndërsa ka dhënë disa sqarime, Geci duket të jetë i tensionuar, dhe me fjalë bukur të mëdha sikur e ‘kërcënon’ kryeministrin Kurti, ndërkohë kërkon heqjen e shkrimit por edhe kërkim falje publike.
“Takimi me Albin Kurtin ka të bëjë me një shkrim të datës 08.10.2024 në llogarinë e Facebook-it me emrin e Albin Kurtit. Ky shkrim mban në vete rrena, mashtrime e trillime për rastin e luftës, rast për të cilin flet edhe Komunikata nr.59, ai rast tanimë është i sqaruar edhe me dëshmi të dëshmitarëve të kohës por edhe nga mjekësia ligjore relevante e Republikës së Kosovës”, ka sqaruar Geci në Facebook.
Për më tepër ai thekson se “Tani Kryeministri i Republikës së Kosovës në vend se të shërbehet me dokumente zyrtare të mjekësisë ligjore, gjë që e ka edhe obligim kushtetues e ligjor dokumente të cilat edhe nëse nuk i ka në zyrë AKI-ja mund të ia sjellte për 10 min, por ai (Kryeministri)”
Ndërkohë Geci tregon mënyrën se si Kurti mund ti rregulloj raportet me familjen e tij.
“Për fund zt.Albin Kurti rruga për të normalizuar raportet me familjen Geci dhe për të vazhduar ti rrugën tënde në të majtë e ne rrugën tonë në të djathtë është kjo:
- Të kërkoni falje publike;
- Ta fshini atë shkrim me të pavërteta nga llogaria juaj në Facebook. Shkrimi ishte i rrejshëm dhe denigrues kundër familjës sonë.
Po i tregoj Albin Kurtit se me marr në thua në familjen e Bajraktarit të Llaushës në Republikën e Kosovës është tërësisht njëjtë sikur me marr në thua në Shtetet e Bashkuara të Amerikës”, ka shkruar Geci në fund të postimit në Facebook.
Postimi i plotë i Gecit në Facebook pa ndërhyrje:
Të dashur miqë,
më duhet ta bëjë një sqarim të shkurtër rreth kërkesës së vëllaut tonë Halil Geci për tu takuar me Kryeministrin Albin Kurti, kërkesa zyrtare mban datën 09.10.2024.
Halil Geci po i troket në derë Albin Kurtit ngjashëm qysh i kishte trokitur vëllau ynë Fadil Geci, Haxhi Polarit në vitin 1998.
Takimi me Albin Kurtin ka të bëjë me një shkrim të datës 08.10.2024 në llogarinë e Facebook-it me emrin e Albin Kurtit. Ky shkrim mban në vete rrena, mashtrime e trillime për rastin e luftës, rast për të cilin flet edhe Komunikata nr.59, ai rast tanimë është i sqaruar edhe me dëshmi të dëshmitarëve të kohës por edhe nga mjekësia ligjore relevante e Republikës së Kosovës.
Tani Kryeministri i Republikës së Kosovës në vend se të shërbehet me dokumente zyrtare të mjekësisë ligjore, gjë që e ka edhe obligim kushtetues e ligjor dokumente të cilat edhe nëse nuk i ka në zyrë AKI-ja mund të ia sjellte për 10 min, por ai (Kryeministri)
qëllimisht është shërbyer me rrena e pallavra të pavërteta e trillime me të cilat është shërbyer edhe SHIK-u edhe PDK-ja për 26 vjet.
Kryeministri i Republikës së Kosovës ka qenë i informuar edhe në vitin 1998 rreth rastit në fjalë, pasi që unë Gani Geci në zyrën e Adem Demaçit e Albin Kurtit në Prishtinë përmes njerëzve ia kam pas deponuar të gjitha dokumentat relevante ku në atë kohë Albin Kurti punonte në atë zyrë, ato dokumente i janë dorëzuar edhe Albin Kurtit. Tani Kryeministri i Republikës së Kosovës 26 vjet më vonë qëllimisht i ik të vërtetës dhe dokumenteve zyrtare dhe mundohet pikërisht për shkak të mendimeve të mia politike të më dëmtoj dhe të nxit të tjerët për vrasjen time.
Jo Albin Kurti jo, kot e ke, kot e kanë pas edhe ata para teje, as ti as askush në botë nuk mund ta ndryshoj të vërtetën.
Arsyeja pse Kryeministri është marrur me mua është e qartë:
Samoupravlanja e Zajednicës për të cilën e ka sjell Albin Kurti dhe për të cilën unë po flas publikisht se Albin Kurti e ka shkruar dhe e ka pranuar Samoupravlanjën në Marrvëshjen e Brukselit dhe të Ohrit të vitit 2023.
Kryministër për Samoupravlanjën (Vetë-menaxhimin) unë nuk kam faj, fajet i ke ti se ti e ke pranuar.
