Prokuroria Speciale e Kosovës ka njoftuar se mbrëmjen e sotme ka arrestuar një femër në Mitrovicë, lidhur mbi dyshimet e bazuara se në bashkëkryerje ka kryer veprën penale “Spiunazhi”, transmeton KosovaPost.
Lidhur me rastin, me aktvendim të Prokurorit të Shtetit, i dyshuari është ndaluar për 48 orë, ndërkohë njësitet relevante të Policisë së Kosovës po kryejnë bastisje në banesën e të dyshuarës, për t’i siguruar provat.
“Prokurori i shtetit, ndaj të dyshuarës do të ndërmarr të gjitha veprimet e nevojshme hetimore për zhvillimin e suksesshëm të procedurës penale”, thuhet në komunikatë.
